Генералниот секретар на Црвен крст на Македонија во посета на Делчево

Од:

Искористување на можностите кои се нудат преку предпристапните фондови од Европската Унија беа главната тема на разговор на денешната средба помеѓу генералниот секретар на Црвениот крст на Македонија Саит Саити и претседателот на Општинската организација на Црвен крст Делчево, Билјана Георгиевска кои поразговараа и околу подготовка на стратегијата за работа на Црвениот крст за наредниот 10 годишен период.

Како што истакна Саити, најголемиот акцент во наредниот период ќе биде ставен на искористување на средства од претпристапните фондови на Европската Унија.

– Овде во Делчево со претседателот ги разгледавме можностите преку кои во соработка со општинските организации од Бугарија во иднина би овозможиле исползување на средства од таканаречените предпристапни фондови. Секако дека тука сме да дадеме поддршка и помош на општинската организација во подобрувањето на сопствените услуги кон локалното население, да поразговараме за понатамошно подобрување на резултатите од крводарителството, првата помош како дејност која заедно ја работиме, воведување на нови курсеви согласно потребите на локалното население се со цел секако да си го оправдаме нашето постоење преку испорачување на ефекти кои се надевам ќе бидат дел од севкупните општествени вредности во секојдневниот живот, истакна Саити.

Во придружба на Саити беше и претседателот на Црвен крст, проф. д-р Ромел Велев кој истакна дека Општинската организација Црвен крст од Делчево е една од оние организации кои секогаш се стремат кон подобри резултати што се покажува во рамки на големиот број успешно организирани крводарителски акции.

Во 2019 како што истакнаа претставниците на Црвен крст на Република Македонија организацијата ќе се фокусира на менувањето на сопствениот закон кој според нив ќе донесе подобра општествена положба и зголемување на приходите за работењето на организацијата.

Би можело да ве интересира

Меѓународен кадетски кошаркарски турнир во Делчево

Ана Ололовска

Се врати староградската музика во Делчево

Ана Ололовска

Младински турнир во ракомет во Делчево

Ана Ололовска

Вечер на староградска музика во Делчево

Ана Ололовска

Пожар во делчевското село Бигла

Концерт на Даниела Мартиновиќ во рамки на „Делчевско лето 2019“

Ана Ололовска