Прокиснат покрив, влага по ѕидовите, а водата од дождовите се собира со кофи. Во вакви нехумани услови се одвива наставата во Државното музичко училиште во Битола.
Родител кој се обрати до А1он се пожали дека ситуацијата е непроменета веќе неколку месеци.
Освен променетата фасада на музичкото училиште и сменетите стари прозори и врати со нови, проблемите остануваат нерешени.
Загрижениот родител објаснува дека условите внатре во училиштето не се решаваат, а при поројни дождови, вода капе од сите страни, а учениците следат предавања како да се на отворено училиште. Ниту протестите во февруари на учениците од Музичкото училиште во Битола кои добија поддршка од Советот на родители не донесоа никакви промени во оваа образовна институција.
