Со кран се подигна автобусот на „Дурмо турс“, кој вчера попладне излета на автопатот Скопје – Тетово.
Служби опремени со кран попладнево го извлекуваат превртениот автобус.
Увидот на екипите на местото на настанот е завршен, а локацијата се расчистува од деловите на автобусот и расфрланите лични работи на патниците кои патуваа со него.
Во автобуската несреќа животот го загубија 14 патници, а седуммина се борат за живот.
Причините за несреќата сè уште не се познати.