Селото Ногаевци го доби мостот кој ги поврзува со цивилизацијата, после две и пол години откако надојдениот Вардар го урна мостот, пренесува Дума.мк.
Изолација и асфалт недостигаат на мостот кој се санираше повеќе од две години за и официјално да биде пуштен во употреба. Двата носечки столба се готови, додека останатата конструкција на мостот e иста.
Сепак ногаевчани се движат по мостот, пешки и со возила, и се среќни што конечно се поврзани со железничката пруга и патот кој води кон Велес и Градско. Маките кои ги преживеаја во изминативе години се зад нив и велат дека конечно земјоделските производи можат да ги носат на пазар по санираниот мост.
Фото – Дума.мк