Уште во раните утрински часови 50-тина мали коледарчиња кои го најавија славењето на Бадник го посетија градоначалникот на Општина Илинден, Жика Стојановски во Домот на култура „Илинден“.
Коледарчињата, кои се симбол на ангелите кои ја носат веста за Христовото раѓање, со христијанска коледарска песна го посетија градоначалникот Стојановски. Покрај песничката тие со себе носеа и макета на Витлеемската пештера која ја симолизира пештерата во која се родил Исус Христос.
Во знак на благодарност за убавата вест и негувањето на традицијата, градоначалникот Стојановски на малите коледари им подари костени, портокали, јаболчиња, бонбони и им посака среќни празници, а пак малите коледари му подарија корпа со зимница.
Бадник е последниот ден од шестнеделниот пост со кој верниците се подготвуваат достојно да го пречекаат најрадосниот ден, денот на раѓањето на Спасителот на светот и синот божји Исус. Затоа на овој ден се е во знакот на радоста, среќата, љубовта, разбирањето и благосостојбата.