Во универзитетскиот учебник по педагогија, на Институтот за педагогија при Филозофскиот факултет на УКИМ, Студентите, идните педагози, за тоа што е зрела личност, учат ваква дефиниција:
„На подрачјето на полните, брачните и семејните односи, се одликува со чесност во љубовта и половиот живот, воздржаност, честитост во брачниот живот, љубов и почитување на семејството. Нејзиниот смисол за заедница го докажува прилагодивоста, дружељубивоста, приврзаноста кон заедницата, демократичноста и социјалната зрелост. За нејзиниот патриотизам зборува преданоста и верноста кон својот народ и татковината, грижата за национална слобода и суверенитет, љубовта спрема татковината, верност и приврзаност кон нејзините идеали, спремност да се бранат интересите и честа на својата татковина…“
За оние што не се доволно патриоти, студентите по педагогија учат дека во себе носат семе на проклетство:
„Оние кои не го сакаат местото каде што се родиле, носат во себе семе на проклетство за себе и за другите, проклетство кое раѓа немири и раздори. Можеме да живееме било каде но, љубовта кон татковината секогаш да ја носиме во себе.“
Ова го пишува на страниците 152 и 172, во книгата „Педагогија“, издание 2007, Скопје, учебно помагало од авторката д-р Анета Баракоска, која предава на овој факултет.
Во воведот стои дека студентите со ова книга се подготвуваат за испитите по Увод во педагогија, Општа педагогија и Педагогија, а назначено е дека учебното помагало е наменето првенствено за студентите на оваа катедра, но и за сите шт се интересираат за „фундаменталните прашања на педагошката наука“.
