После вчерашното учеството во протесниот караван на “Отпорот против режимот“ и пладневната изјава дадена пред владата, кандидатот на здружената опозиција за градоначалник на Скопје, Јани Макрадули продолжи со своите активности, остварувајќи средби со граѓани и посети на домови на жители од општина Центар.
Понеделничкото попладне Јани Макрадули заедно со кандидатот на „Сојузот за иднината“ за градоначалник на општина Центар, Андреј Жерновски го поминаа на средби со жители од урбаната заедница Крњево.
На средбите се разговараше за локалните проблеми со кои секојдневно се соочуваат жителите на овој дел од центарот на Скопје како и за актуелните политички случувања во земјата.
Домаќините од Крњево го изразија своето незадоволство од игнорантскиот однос на локалната власт за проблемите во оваа урбана заедница и својот револт за расипничкото и недомаќинско однесување на централната власт.
Дадоа поддршка на „Сојузот на иднината“ и се приклучија во заедничките заложби за враќање на демократијата во Македонија.
