Меѓународниот ден на демократијата, беше одбележан од граѓанската асоцијација МОСТ со кампањата „Вклучи се ако си исклучен“.
Кампањата се спроведува во рамките на проектот„ Активни за демократијата“ чија цел е да се активираат младите, бидејќи тие , според МОСТ не ги познаваат и немаат доволно навлезено во демократските процеси, не учествуваат активно, и имаат мали познавања за изборниот процес.
„Целта на овие настани е да се информираат младите за прашања повразни со изборите за кои и прашања поврзани со нивната вклученост во демократските процеси и активното граѓанство. Сметаме дека младите не се доволно информирани за нивните можности да се вклучат во демократските процеси и токму затоа ја стартувавме оваа кампања која е наречена „Вклучи се ако си исклучен“, изјави Теодора Поповска од Граѓанска асоцијација МОСТ.
Кампањата се одржа и во Охрид, Прилеп, Тетово и Гевгелија.
Проектот е финансиран од Европската Унија преку Европскиот инструмент за демократија и човекови права.