Причина за труењето на осумте лица од Делчево, меѓу кои и шест ученици се стафилококни токсини и бактерии од фекално потекло, покажаа резултатите од микробиолошката анализа на храната и брисевите од сендвичарницата и од вработените.
– Најдено е присуство на енетропатогени бактерии од родот на стафилококи кои лачат стафилококни токсини кои предизвикуваат гастроинтестинални заболувања на луѓето и присуство на енетропатогени бактерии од фекално потекло. Ова, најверојантно, се должи на несоодветната хигиена во објектот и несоодветниот начин на чување на храната. И на адекватната хигиена на персоналот кој работи овде, несоодветни услови на чување на храната, нестерилен инвентар и садови, загадени раце, истакна Манасиева.