Отворени се и броеви за донации на мобилните оператори за донации за малата Ева од Охрид. Кампањата која почна пред десетина дена сеуште ги нема собрано потребните средства за справување агресивниот малиген карцином на коските.
Ваквата дијагноза не може да се лекува во Македонија. Покрај бројните акции и иницијативи за поддршка на Ева, отворен е и број за донации на мобилнит оператори „Телеком“ – 143126 и на А1 – 14350
Остеосарком е редок и сериозен рак на коските кој бара итен и долг третман. За нејзиното лекување се потребни значителни средства, а семејството ја води битката со времето за да ѝ овозможи терапија во специјализирана клиника во Германија. Секој придонес, без разлика колку е мал, може да направи огромна разлика во нејзината борба. Да покажеме хуманост и солидарност и да ѝ помогнеме на Ева да добие шанса за здраво и безгрижно детство. Донации може да се направат и преку платформата eCrowd.
