Опозицијата револтирана, обвини дека претседателот на Собранието Трајко Велјаноски го крие писмото од Секретаријатот на енергетска заедница.
Ова тело, го критикува законското решение, и бара симнување на законот за експропријација од од дневниот ред на собраниската седница.
Велјаноски тврдеше дека таков документ до него не е стигнат, а опозицијата го покажа документот.
А1 дојде до документот од Секретаријатот на енергетската зедница.
Документот од енергетската заедница од Виена, е адресиран до претседателот на Собранието Трајко Велјаноски и до вицепремиерот Владимир Пешевски и е испратен на 20-ти јули.
Секретаријатот, изразува голема загриженост од Законот за експропријација бидејќи ќе има негативно влијание врз инвестициите.
Сигналот, се вели, во писмото, кој се испраќа до постојните и потенцијалните инвеститори во енергетскиот сектор е несигурен и со зголемен регулаторен ризик. Ова, се вели, е во спротивност со членот 2 во Договорот на Економската заедница, кои Република Македонија го ратификуваше.
„Секретаријатот е подготвен да дискутира за загриженоста и за можните решенија со сите релевантни авторитети, вклучувајќи ги и Собранието и Владата“, стои во писмото од Секретаријатот на енергетската заедница до претседателот на Собранието Трајко Велјаноски.
