Еко-акции на младите од Кочани за расчистување и уредување на излетнички локалитети

Седумдесетина младинци од средните училишта и од граѓанските здруженија, како и вработени во комуналното претпријатие „Водовод“ се вклучија во еколошката акција за расчистување на излетничките локалитети Гоцева шума и Бавчалук во Кочани.

Тие се одзваа на повикот на Центарот за култура, комуникација и едукација на Ромите „Светла иднина“, кој е носител на проектот „Младите успеваат заедно“, а во чии рамки е започната и иницијатива за формирање Младинска акциона група.

– Покрај еколошката цел, еден од мотивите за организирање на еко-акцијата е да го промовираме единството помеѓу младите од различно етничко потекло во давањето придонес за здрава животна околина. Ова е втора активност за уредување на излетничките локалитети, а претходно ја расчистувавме околината на Споменикот на слободата во Кочани. Нашата крајна цел е да заживее Младинската акциона група чија задача ќе биде да ги потенцира проблемите со кои се соочуваат младите на локално ниво, истакна Мануела Саидова, претседател на ЦККЕР „Светла иднина“.

Еко-акциите и иницијативата за формирање Младинска акциона група се финансирани со грант од УСАИД во рамки на проектот за граѓанско учество, а поддршка дава и општина Кочани.

Проектот на ЦККЕР „Светла иднина“ ќе се реализира до крајот на јануари идната година, а од него треба да произлезе стратегија за младите што треба да го насочи младинскиот активизам на локално ниво.

Би можело да ве интересира

Традиционална извидничка акција „Пролетни бакнежи, прегратки 2019“

Ана Ололовска

ВИДЕО: „Ова не е место за фрлање пикавци и ѓубре од вашите автомобили“, акција на Единицата за брзи артивистички акции

Ана Ололовска

Земјена уметност: Стоп за малите хидроцентрални

Ана Ололовска

Конференција „Како да го зазелениме урбанизмот“

Ана Ололовска

Комунална ги исчисти верските храмови во Скопје

Ана Ололовска

„Зелена архитектура за зелени училишта“, проект за почиста животна средина

Ана Ололовска