Во две сообраќајни несреќи вчера животите ги загубија 60-годишник од Струмица и 54-годишен жител на селото Небрегово. Струмичанецот управувал со товарно возило и излетал од патот на делницата Струмица-Валандово.
– На 02.04.2024 околу 14.30 часот во СВР Струмица било пријавено дека околу 14.00 часот на регионален пат Р 1401 Струмица-Валандово товарно возило „мерцедес“ со струмички регистарски ознаки управувано од Р.Р.(60) од Струмица излетало од патот. Од здобиените повреди починал возачот Р.Р., а смрт констатирал лекар од Медицински центар Валандово. Увид на местото извршиле јавен обвинител од Основното јавно обвинителство Гевгелија и екипа на Полициската станица Валандово, информираше МВР.
Во другата несреќа која се случила во селото Небрегово, жртвата управувала со мпед „томос“, загубила контрола и илетала од патот.
– На 02.04.2024 во 17.00 часот во ОВР Прилеп било пријавено дека во с.Небрегово-прилепско Ѓ.М.(54) од с.Небрегово додека управувал мопед „томос“ без регистарски таблици, изгубил контрола над него и паднал. Во несреќата на местото на настанот починал возачот, а смрт била констатирана од страна на лекар од Итна медицинска помош Прилеп. Извршен бил увид од увидната екипа од ОВР Прилеп, се вели во соопштението од Министерството за внатрешни работи.
