Две лица под истрага за разбојништво во заложна куќа

Од:

Основното јавно обвинителство Скопје донесе наредба за спроведување истражна постапка против две лица осомничени дека вчера извршиле разбојништво во заложна куќа.

– Лицата на возраст од 23 и 22 години, по претходен договор, заедно влегле во објект на заложната куќа „Астра кредити“, на улица „Лондонска“ во Скопје, и со закана кон еден вработен одзеле парични средства. Едниот осомничен, држејќи пиштол марка „Пјетро Берета“ во раката, побарал од оштетениот да го отвори сефот и да ги извади парите. Оштетениот постапил по ваквата наредба, го отворил сефот и му дал 120.000 денари. По ова, вториот осомничен самиот се приближил до сефот и го зел остатокот од 180.000 денари кои се наоѓале внатре. Двајцата осомничени потоа го напуштиле местото со мотор кој бил паркиран во близина на заложната куќа, се наведува во соопштението од Јавното обвинителство.

Надлежниот јавен обвинител оценил дека се исполнети законските основи, па до судијата на претходна постапка при Основниот кривичен суд Скопје доставил предлог за определување мерка притвор за двајцата осомничени.

Би можело да ве интересира

Притвор за едно лице поради извршени тешки кражби во Гевгелиско

Ана Ололовска

Притвор од 30 дена за разбојник од Битола

Ана Ололовска

Три лица со автоматско оружје украдоа 2 милиони денари од скопјанец пред банка во Сарај

Кристијан Ландов

Полицијата откри двајца осомничени за разбојништво и 22-годишник кој фалсификувал дозволи за движење

Ана Ололовска

Ограбена пошта во Охрид, разбојникот приведен по неколку часа

Кристијан Ландов

Постигнати спогодби со тројца ресенчани обвинети за измама

Ана Ололовска