Вчера попладне, во 16.20 часот во СВР Струмица било пријавено дека на локалниот пат од село Трибичино кон село Едрениково, струмичко, на место викано „Бресто“, трактор „ИМТ 533“, со струмички регистарски ознаки, управуван од 51-годишниот З.С. од село Дабиле, излетал од патот, извести МВР.
– Од здобиените повреди на местото на несреќата починал З.С., а со повреди се здобил К.К.(74) од с.Владевци, кој бил пренесен во Медицински центар Струмица, каде подоцна им подлегнал на повредите, соопшти МВР.
Увид на местото извршиле Јавен обвинител и увидна екипа од СВР Струмица.