Два протестни марша против поскапувањето на струјата се најавени за попладнево во Скопје.
Генералниот секретар на ВМРО-ДПМНЕ Игор Јанушев вчера на прес-конференција најави нов протест за попладнево против поскапувањето на струјата.
Како што рече тој, протестот ќе почне во 14 часот пред Регулаторната комисија и еден час со автомобили ќе ја блокираат крстосницата и пристапните улици пред Регулаторната комисија.
Протестот, рече Јанушев, ќе започне пред „Палома бјанка“.
Првиот од низата најавени граѓански протести ВМРО-ДПМНЕ го одржа во средата.
И конфедерацијата на синдикални организации (КСОМ) од 18 часот најави протестен мото-синдикален граѓански марш што ќе тргне од „Чаирчанка“ и ќе заврши пред Регулаторната комисија за енергетика и Собранието.
Цел на организирањето, како што соопштија оттаму, е 10 до 20 возила и стотина граѓани, во знак на негодување да се изрази револт за постапката и иницијатива за покачување на струјата.