Делчевската јавна библиотека „Илинден“ денеска донираше училишен прибор на учениците од Подрачното училиште во делчевското село Тработивиште и книги за потребите на училишната библиотека.
Оваа активност е дел од заложбите на вработените во Јавната локална библиотека да се промовира работата на библиотеката, значењето на книгата, но и да се придонесе за збогатување на библиотечниот фонд во подрачните училишта, истакна директорката на ЈЛБ Илинден, Билјана Петровска.
– Сите дваесет и седум ученици кои посетуваат настава во ова Подрачно училиште добија училишен прибор и ученички ранци, а за потребите на училишната библиотека дониравме 22 наслови од домашни и странски автори, со што мислиме дека ќе придонесеме кон зголемување на интересот на учениците за книгата, а ќе дадеме и мал придонес кон подобрување и зголемување на библиотечниот фонд, истакна Петровска
Овие активности на делчевската библиотека ќе продолжат и во другите подрачни училишта со цел збогатување на библиотечниот фонд на училишните библиотеки.