Министерката за правда, Рената Дескоска, пред почетокот на денешната акција за чистење на Градот, на претседателот на Судскиот совет, Киро Здравев му ја подари златната метла која на Министерството претходно му ја подарија граѓански организации.
На прашањето кога ќе има чистка во правосудството, Дескоска рече дека му ја предала златната метла на претседателот на Судскиот совет, Киро Здравев. „Останува виастинската амортизација на метлата да се случи во Судскиот совет“.
Потоа Здравев златната метла му ја подари на претседателот на скопскиот Кривичен суд Иван Џолев.
Акцијата за чистење ја организира Владата заедно со граѓанската иницијатива „Не биди ѓубре“.
Целта е, како што најави министерот за администрација, Дамјан Манчевски, да се подигне свеста за чиста околина и заштитата на здрава животна средина.
