Дел од корисниците од улицата „Томе Арсовски“ во општина Кисела Вода утре од 11:00 до 13:30 часот ќе останат без напојување со електрична енергија.
Од 9:00 до 14:30 часот без струја ќе бидат и дел од корисниците од улиците „Кузман Шапкарев“ и „Беаз Куле“ во општина Ѓорче Петров, од 7:45 до 15:30 часот корисниците од населба Бунарџик, новата населба Јака, Илинден, населбата Бела Земја во село Марино, како и фирмите Мај Маркет, Гранд Експорт и Мак Инвест во Марино во општина Илинден, а од 9:00 до 14:00 часот дел од корисниците од улицата „Јуриј Гагарин“ во општина Карпош.
Како што информира Регионалниот центар за управување со кризи на град Скопје, причина за прекинот во снабдувањето со електрична енергија е изведувањето планирани технички зафати во дистрибутивната мрежа од страна на екипите на „ЕВН Македонија“ АД.