Дел од корисниците од општина Карпош, лоцирани на улиците „Џумајска“, „Миле Поп Јорданов“ и „Козле“ на потегот од бензинската пумпа на Мак Петрол до КАМ маркет утре од 10 до 14 часот ќе останат без напојување со електрична енергија.
Во периодот од 10 до 15 часот струја ќе немаат и дел од корисниците од село Радуша, општина Сарај.
Како што информира Регионалниот центар за управување со кризи на Град Скопје, причина за прекинот во снабдувањето со електрична енергија е изведувањето инвестициски зафати во дистрибутивната мрежа од страна на екипите на ЕВН Македонија.