Делегација на општина Демир Хисар предводена од градоначалникот Марјанче Стојановски, во Турција ќе ги посети градот Измир и збратимената општина Балчова.
Од општина Демир Хисар информираат дека станува збор за возвратна посета, која се реализира на покана на збратимената општина од Турција чија делегација кон крајот на минатата године престојуваше во Демир Хисар.
– Одлуката за реализација на возвратната посета ја потврди и Советот на општина Демир Хисар, затоа што беше оценето дека треба да продолжи договорот за соработка, поврзувањето меѓу комуналните претпријатија, како и на институциите од областа на културата. Посетата ќе се реализира во почетокот на идниот месец, а главен фокус ќе биде ставен на инвестициската и економска поддршка која се очекува од турските бизнисмени, за што општина Демир Хисар ќе предложи посебен пакет понуди, информираат од тамошната локална самоуправа.