Објектот на фабриката за пластика „Дијагоналапласт“, корисниците од село Горно Соње, објектот на Општина Сопиште, викенд куќите во местото викано Коштан, како и воените објекти над општина Сопиште утре од 9 до 13 часот ќе останат без напојување со електрична енергија.
Како што информира Регионалниот центар за управување со кризи на град Скопје, причина за прекинот во снабдувањето со струја е изведувањето планирани зафати во дистрибутивната мрежа од страна на екипите на ЕВН Македонија АД.
Корисниците од скопските села Маркова Сушица, Варвара, Батинци, Добри Дол, Ракотинци и Сопиште утре од 12 до 15 часот ќе бидат без струја.
Прекините, како што информира Регионалниот Центар за управување со кризи на Град Скопје, се заради реализација на инвестициски зафати за подобрување на квалитетот во снабдувањето со електрична енергија на корисниците во тие региони.
Во среда од 09 до 15 часот без електрична енергија ќе останат корисниците од улиците „4“ и „6“ во селото Студеничани, општина Студеничани.
