Газдата на дискотеката „Пулс“, Дејан Јованов-Деко се расплака во судницата.
Обвинетиот Деко во обраќањето пред судот низ солзи зборуваше дека со години бил сопственик на клубот за кој рече многу се грижел и дека водел постојано сметка за безбедноста.
До ден денес не можам да поверувам што се случи таа вечер, девет месеци сум затворен во четири ѕида, кажа Јованов.
– Не можам да поверувам што се случи. Доколку би знаел дека фали нешто ќе преземев се за да се отстрани на време. Во тој клуб имам пораснато десетици генерации, сите добро ме познаваат и знаат колку се грижев за безбедноста. Знам каква болка чувствуваат семејствљта затоа што и ние во нашето семејство имамеви починат и повреден и ја имаме истата болка, изјави Деко.
На неговата изјава бурно реагираа родителите на жртвите.