На Правниот факултет „Јустинијан Први“ денеска ќе се одржи јавна дебата на тема „Да се штеди или не: дали програмите за штедење се доволни за спас на Европа?“.
Дебата ја организира Австрискиот економски центар од Виена и Правниот факултет „Јустинијан Први“, во рамки на проектот „2013 Free Market Road Show“.
На настанот e најавено присуство на претставници од министерствата и од бизнис секторот, експерти и дипломати кои ќе дискустираат за актуелни општествени прашања.
На панел дискусијата посветена на начините како да се намали младинската невработеност ќе се обрати министерот за труд и социјална политика Спиро Ристовски.