Дваесет и четири годишниот Дарко Јанкоски го фати Светиот крст во Прилеп, кој денеска, по повод празникот Богојавление – Водици, се фрлаше во базен. Јанкоски рече дека досега се имал фрлено 7 пати по крстот, а ова било прв пат како го фаќа.
„Досега 7 години се фрлам по светиот крст, прв пат годинава го фаќам, им посакувам на сите да имаат многу здравје, успех и среќа“, рече Дарко Јанкоски.
Инаку Јанкоски беше најсреќниот од 87-те учесници кои денеска се фрлија по крстот во Прилеп, а доби телевизор и златен крст.