Дарио Николовски, актуелниот директор на Државниот студентски центар „Скопје“, е избран за претседател на Здружението на директори на училишните и студентските домови во Република Македонија.
Николовски во петокот беше едногласно избран од директорите на сите домови кои го сочинуваат здружението. Тој ја презема функцијата од досегашниот претседател Блаже Митев, кој е актуелен директор на ДУЦОР „Партенија Зографски“ од Скопје.
„Ќе се заложам за подобрување на состојбата на сите студентски и училишни домови. Ова е голем предизвик за мене и верувам дека ќе покажам добар резултат. Им благодарам на сите директори кои едногласно ми ја дадоа довербата.“ – изјави Николовски.
Здружението работи на подобрување на состојбите во домувањето на студентите и учениците. Дарио Николовски како директор ќе го претставува здружението пред институциите и ќе биде одговоен за комуникација и спроведување на програмата и плановите. Здружението располага со сопствен буџет и покрај другите одговорности, ги организира студентсктие и ученичките манифестации и настани во земјата.