СДСМ презентираше аудио снимки за кои посочи дека се разговори на Гордана Јанкулоска со Никола Тодоров.
-Ќе кажеме некои инциденти каде се комуњари инволвирани, да се знае кој се хулиганите во оваа држава.
Беше презентиран и разговор помеѓу како што беше посочено Гордана Јанкулоска и Кирил Божиновски за поранешен претседател на општинска и припадник на МВР, за да му се запали кафеаната.
Разговор помеѓу Гордана Јанкулоска и Никола Тодоров
НТ: Да
ГЈ: Нино, завршивте со шефот со изјавата?
НТ: Па вероватно завршил он не знам
ГЈ: Добро..
НТ: Он ми рече во два ќе биде ама треба да прашам сеа
ГЈ: Добро добро ја викам да не има нешто екстра што сметаш дека ние треба да кажеме…
НТ: Не бе битно е тоа мирно мирно мирно.. пет пати мирно толку
ГЈ: Битно да да да
НТ: Се тече мирно толку…
ГЈ: Види ќе кажеме некои инциденти кај шо се комуњари инволвирани
НТ: Да ама дека е се разрешено и дека инсституциите функционираат беспрекорно..
ГЈ: За да се знае кои се хулиганите во оваа држава
НТ: Да да
ГЈ: Тоа е најбитно
НТ: Океј Горде
ГЈ: Зашо после и они нешо ако мрчат ќе кажеме вие сте криви еве глеам полека доаѓаат новинариве кај нас, ок се слушаме
НТ: Ајде чао
Разговор помеѓу Гордана Јанкулоска и Кирил Божиновски
ГЈ: Абе, овој будалава да ти кажам, Ивица Тошевски.
КБ: Е?
ГЈ: Знаеш шо зборел?
КБ: А.
ГЈ: Пошто нели го решивме него, го преместивме и кажал, абе јас многу се изнамачив, ама некако договорив ова, она, да ме префрлат, ептен овдека сум фаца. А, што е фаца, овдека беше началник, сега е џандар обичен. Вика, со врски ме префрлија овдека, ама добро, ја држам позиции. Сега кога ќе го зачукам негде дополнително.
КБ: Види, тој треба да, размислував за него сабајле, една порака да се упати, пошто ако вака оставиме, човекот нé победи нас, практично.
ГЈ: Да бе, да. Абе види, он е поранешен претседател на Општински, значи каков, таков, има некоја структура.
КБ: И на Општински е, плус џандар, тоа си има влијание у тие краеви.
ГЈ: Да де, да, независно каков е.
КБ: И мислам дека треба да летне и он. Жена му, сега почнав да барам кај работи, треба да ги оставиме без ништо.
ГЈ: Знаеш, он е глуп човек. Значи, сега ќе го пуштиме инспектор.
КБ: И тоа кафаната треба да му ја запалиме. И така. Тие три работи, мора да се направи тоа.
ГЈ: Јас, знаеш што мислам? Значи, он не знае да работи, неспособен е. Значи, он сé што има, има од партијата.
КБ: Да.
ГЈ: И јас сега го чекам на прва грешка за да можам да го избркам, оти вака, ќе го шетам, он ќе праи приказни како е награден и уште ќе ме нервира дополнително.
КБ: Не, да се избрка треба. И он и жена му. И кафаната да му ја растуриме и тоа е.
ГЈ: Прво излегување на терен, он грешка ќе направи. Процедури не знае. Ќе го фатиме и ќе му е…е матер.
КБ: Да, стај му една лепенка да го гледа и тоа е.
ГЈ: Абе, тој и да не го гледа, ќе ја оплеска, глуп е чоеков. Значи, како да ти кажам, ништо не знае да работи.
КБ: М, м, м.
ГЈ: Така да, прво излегување на терен, он ќе ја оплеска и ќе лета од работа.
КБ: Да, да. Фокусирај се на него, пошто знаеш, многу лоша порака ќе направиме ако ништо не напраиме.
ГЈ: Да де, да.