Неколку пожари има на подрачјето на општините Куманово и Старо Нагоричане, информираше Центарот за управување со кризи.
-Поради ветер кој го зафати подрачјето на Општина Куманово и Град Скопје на повеќе локации од искрење на жици предизвикни се пожари. Во Општина Куманово и Општина Старо Нагоричане се пријавени пожари во село Романовце, Агино Село, Табановце, Шупњи Камен, Младо Нагоричане, Стрновац, соопшти ЦУК.
Во скопскиот регион се пријавени пожари помеѓу Индустриска зона Бунарџик и рафинерија Окта.
Сообраќајот на автопатот Скопје-Куманово, Куманово-Скопје е во прекин, соопшти попладнево Автомото сојузот на Македонија.