Претседателот на Социјалдемократскиот сојуз на Македонија Зоран Заев, денеска, по повод празникот Свети Сава упати честитка до припадниците на српската заедница во Р. Македонија и сите граѓани кои го празнуваат:
„На сите припадници на српската заедница во Република Македонија и на православните христијани кои го празнуваат, од мое име и од име на Социјалдемократскиот сојуз упатувам најискрени честитки.
Бидете во добро здравје, спокојни во срцето, подготвени да дарувате љубов, внимание и разбирање и истото нека ви биде возвратено.
Празникот Свети Сава поминете го во духовен мир и во кругот на вашите најблиски.
Нека овој голем празник биде поттик за вербата и надежта дека сите заедно, со меѓусебна поддршка и почит можеме да обезбедиме лична, семејна и општествена благосостојба“.