Бујар Османи – кандидат за градоначалник на Чаир, Бајрам Реџепи ќе „се трка“ во Тетово

Од:

Претседателството на Генералниот совет на Демократската унија за интеграција (ДУИ) на денешната 21-та седница определи дел од кандидатите за градоначалници и носители на листи за советници на оваа партија, кои ќе бидат дел од заедничките кандидатури со другите политички субјекти кои се во коалицијата Европски фронт. Алијанса на Албанците на Зијадин Села ќе предложи кандидати за градоначалник за Струга, за Дебар и Арачиново, додека партијата на Арбен Таравари за Гостивар, Врапчиште, Теарце и Сарај.

-Иден градоначалник на Општина Чаир ќе биде д-р Бујар Османи, иден градоначалник на општина Тетово ќе биде Бајрам Реџепи, за Желино Емир Сулејмани, носител на листа во Општина Гостивар ќе биде Валди Џафери, носител на листата во Општина Струга ќе биде Фатон Положани, истакна Арбр Адеми, портпарол на ДУИ по тричасовната средба на Генералниот совет на ДУИ.

За другите кандидати за градоначалници и носители на листи за советници ќе се одлучува во следните четири дена.

-Сите овие кандидати ќе бидат заеднички на коалицијата, не се работи само за кандидати на ДУИ или на Алијанса за Албанците, кои се партнери. Поточно, од Алијанса за Албанците на Зијадин Села ќе добиеме предлог за кандидат за градоначалник во општина Струга, Дебар и Арачиново. Од АА на Таравари ќе имаме предлог во општините Гостивар, Врапчиште, Теарце и Сарај, и на десет други општини, ќе ги потврдиме кандидатите на ДУИ и на сите политички партии кои ја сочинуваат оваа коалиција, истакна Адеми.

Едногласно централното претседателство го избрал генералниот секретар на ДУИ, Фатон Ахмети да биде шеф на централниот изборен штаб.

Би можело да ве интересира

Меџити до Османи: Дали најмалку двапати си бил во Будимпешта на посета кај Груевски?

А1он

Османи го претстави планот за коренити промени: „Чаир не смее да биде највалканата општина во Скопје“

Османи презентираше осум мерки за образованието

Горан Наумовски

Борел го оцени со највисоки суперлативи Бујар Османи, велат од ДУИ

Горан Наумовски

Османи: Меџити губи со 10 отсто разлика, затоа фабрикуваат афери

Влен: Некоја структура во државата очигледно го штити и негува Бујар Османи како свој миленик