Средношколците Албанци во скопското средно хемиско училиште „Марија Кири Склодовска“ веќе цела недела ја бојкотираат наставата.
Психологот и педагогот во училиштето да бидат Албанци, таблата на влезот да биде двојазична, да се вработат професори Албанци за предмети каде сега ги нема и заменик директорот на училиштето да биде Албанец се барањата кои родителите на учениците Албанци ги упатиле кон директорот на училиштето, Павле Павлов.
Според директорот, тој не е надлежен за спроведување на барањата, туку дека тоа е задача на државните органи и градот Скопје.
Учениците биле на училиште само првиот ден, а наредните денови доаѓале само пред училишната зграда.
Родителите на учениците се одлучни и не сакаат да го прекинат бојкотот.