Со работно ангажирање млади невработени лица во рамки на проектот „Општинскокорисна работа“, Општина Богданци повторно ќе го поддржи спроведувањето на владиниот оперативен план за услуги на пазарот на трудот.
– Нашата општина моментно е во фаза на избор на приоритетите, односно кои социјални или други услуги сметаме дека се најпотребни во општинава. Тоа ќе го утврдиме со користење на алатката „Моја општина“ преку која граѓаните рамноправно ќе учествуваат во изборот на услуги со кои ќе аплицираме годинава, информираа денеска од службата за односи со јавноста.
Од Општината најавија дека на најприоритетните позиции работно ќе бидат ангажирани три лица со скратено работно време од 20 часа кои ќе добиваат месечен надоместок и ќе бидат осигурани од повреда на работно место.
Изминатава година најголем интерес во општина Богданци имаше за позициите негувател на деца со посебни потреби, општ работник за грижа на стари лица и хигиеничар за станбени и деловни простории.