Извршниот директор на МОСТ, Дарко Алексов на денешната прес-конференција потврди дека во понеделникот невладината организација била посетена од финансиска полиција, која им дала неколку дена да ја средат документацијата, за подоцна да биде разгледана од инспекторите.
„Во понеделникот имавме состанок со Финансиската полиција на кој разговаравме со инспекторите. Коректно и прецизно ни побараа да ја подготвиме нашата документација и ни дадоа неколку дена за да ја доставиме. „Мост“ работи во согласност со законските прописи и ги почитува законите на Македонија, изјави Алексов.
Ова претходно го објави и го критикуваше белгискиот експерт Питер Ванхауте на профил на социјалната мрежа Твитер:
„Награда за Владата што испраќа финансиска инспекција за да замолчи невладина организација која има критички став кон организирањето избори“, напиша Ванхауте.