Лидерот на ДУИ, Али Ахмети по разговорот со Хан кажа дека тема било како Македонија да излезе од кризата.
Можам да кажам дека ставовите ни се идентични, рече лидерот на ДУИ, Али Ахмети.
На прашањето дали е вистина дека се сретнал со Алијансата на Албанците за да договори влада со ВМРО-ДПМНЕ, што претходно како информација ја кажа Мендух Тачи, тој одговори:
-Константно разговарам со лидерите на ВМРО-ДПМНЕ и СДСМ, а конечната одлука ќе ја донесе Централното претседателство, откако СДСМ ќе достави писмено дали ги прифаќа барањата од платформата.
Нормално е да разговарам со Никола Груевски зошто сме коалициони партнери десет години, рече Ахмети.
Според Ахмети, Декларацијата на Албанците била потпишана во Тирана зошто лидерот на БЕСА не сакал на иста маса да седне со него, затоа ги повикал премиерот на Албанија.
Тој кажа дека Платформата не значи дека бараат Голема Албанија, туку дека тоа се нормални барања и потреба на Албанците.