Лидерот на ДУИ, Али Ахмети, од Кичево порача дека медиумите на македонски јазик шират страв објавувајќи за фотографијата на неговиот фејсбук-профил на која тој е со калашников в рака.
Тој не спомена воопшто зошто ја поставил фотографијата со оружје, со која кани на митинг, туку само обвини дека се медиумите виновни оти шират психоза.
Како што пренесуваат медиуми на албански јазик, Ахмети на митингот во Кичево рекол дека македонските медиуми биле тие што ширеле страв меѓу населението, а не тој и неговата партија со тоа што на фејсбук страната на ДУИ објавија негова фотографија каде е во униформа на УЧК и со калашников во рацете, а со која се повикуваше на масовен одзив на предизборен митинг во Кичево.