Албанската заедница очекува интеграција на земјата во НАТО и ЕУ, добри меѓуетнички и соседски односи, безбедност, стабилност, економски развој и отворање на нови работни места.
Ова во петок го истакнал лидерот на ДУИ Али Ахмети на првата официјална средба со новоименуваниот амбасадор на Европската Унија во Република Македонија, Самуел Жбогар.
Ахмети ги истакна очекувањата на лидерите дека ќе го почитуваат постигнатиот договор и ќе се ангажираат за да се стави крај на политичката криза и за враќање на Евроатланската, меѓуетничката и развојна агенда.
Соговорниците се согласија да продолжат со блиската соработка на патот кон интеграција во ЕУ.
