Министерот за образование и наука, Абдилаќим Адеми, за регионалната телевизија Канал 3 во Дебар изјави дека нема проблеми околу преименувањето на двете училишта во градот.
– Општина Дебар има испратено барање до Министерството за промена на имињата на училиштето „Братство – Единство“ во „Пенестија“ (старо име на Дебар) како и гимназијата од „Здравко Чочковски“, во „28-ми Ноември“ Ден на албанската независност и ден на албанското знаме. Барањето се разгледува. Нема ниту процедурални, ниту политички проблеми и во координација со локалната власт тоа ќе биде набрзо и официјализирано, изјави министерот Адеми.
Пред три години имињата на училиштата беа променети по предлог на родителските и училишните одбори, а со почитување на Бадинтер одлука за тоа беше донесена и од страна на Советот на општината. Веднаш беа поставени и табли со новите имиња, но и понатаму на сведителствата и другите документи се користат старите имиња и печати.