Адем Јашари, еден од основачите и легендарен командант на УЧК е новото име на училиштето 7-ми март, во скопски Чаир.
Спротивно на досегашната практика, нема табла како на досега преименуваните училишта. Директорот на училиштето открива дека ова е стара желба и идеја , нп тпа не се сторило поради страв од меѓуетнички тензии.
Министерот за образование Кралев, кој вели дека одлуката за менување на имињата на училиштата во Чаир е незаконска, вети дека просветната инспекција ќе ја провери фактичката состојба.
Министерството не побарало досега интервенција од МВР за отсранување на таблите во Чаир.
Министерката за внатрешни работи Гордана Јанкуловска, кажа дека до денес, до полицијата не е доставено официјално барање за асистенција за досегашните случаи со промената на имињата на училиштата „Рајко Жинзифов“, „Цветан Димов“, „Јане Сандански“ и „Никола Вапцаров“, во „Исмаил Ќемали“, „Хасан Приштина“ „Јашар-бег“ и „Имри Елези“.
Доколку во рок од 8-те законски денови, училиштата не ги вратат старите имиња, државниот просветен инспекторат ќе им изрече парични казни на директорите и на правните лица.