Лидерот на СДСМ Зоран Заев објави две снимки за кои рече дека се помеѓу Гордана Јанкулоскаи Мартин Протуѓер.
-Знам дека мнозинството граѓани копнеат да живеат мирно, без страв но имаат еден проблем, тоа е Никола Груевски. Тоа е тоа, завесата е крената, толку од театарот. Никола Груевски мора да си оди, нема место за него на политичката сцена. Слушнете дел од нивните насилни механизми, рече Заев и објави снимка на која се зборува дека не може да има соживот во Македонија и со нив треба да се расчисти еднаш засекогаш.
Разговор помеѓу Гордана Јанкулоска и Мартин Протугер
ГЈ: Така да нема со нив соживот
МП: Нема каков соживот
ГЈ: Треба да се расчисти еднаш засекогаш
МП: Ајде здравје
ГЈ: Нема здравје тоа се стратешки прашања, пушти ми ти за ова да организирам од понеделник не е нешто…
МП: Важи
ГЈ: Ок ајде
Разговор помеѓу Гордана Јанкулоска и Мартин Протуѓер
МП: А војна да имаме?
ГЈ: А бе, ние ако е за да покажеме кој е посилен, за 1 саат ќе ги смачкаме.
МП: Мхм.
ГЈ: Ама работата е да не покажуваме мускули сега.