Триесет и тригодишниот И.К. од Струмица, раководител на бензинската пумпа „Лукоил Македонија“, украл 2,5 милиони денари од бензинската станица
Во јули 2012 година, на бензинската пумпа „Лукоил Македонија“ , раководителот секојдневно не ги внесувал целосно парите од дневниот промет во книговодствените евиденции на бензинската пумпа. Но, со намера да се стекне со противправна имотна корист, присвоил парични средства во износ од 2.088.999 денари остварени со продажба на гориво, како и стока и прехранбени производи во износ од 393.400 денари, оштетувајќи ја бензинската пумпа во износ од 2.482.399 денари.
Против него е поднесена кривична пријава за сторени кривични дела „затајување“ и „злоупотреба на службената положба и овластување“.