15-годишно момче загина во сообраќајка на магистралниот пат Куманово-Крива Паланка

Од:

Малолетник загина, а едно лице се здобило со тешки телесни повреди во сообраќајна несреќа која се случи вчера на магистралниот пат Куманово-Крива Паланка во населбата Карпош, соопшти денеска СВР Куманово.

Во сообраќајката учествувало возило „бмв” со албански национални ознаки и мотоцикл ,,јамаха”.

– Вчера околу 21.40 часот во СВР Куманово било пријавено дека на магистрален пат Куманово – Крива Паланка, во населба Карпош – Куманово, се случила сообраќајна незгода помеѓу патничко моторно возило „бмв“ со албански национални ознаки, управувано од И.Б.(37) од Скопје и мотоцикл „јамаха“ управувано од малолетник од Куманово. Во незгодата, од здобиените повреди на местото починал 15 – годишен сопатник на мотоциклот од Куманово, а смрт констатирал лекар од Итна медицинска помош. Додека, 16 – годишниот возач на мотоциклот се здобил со тешки телесни повреди, констатирани во болницата во Куманово, информираше полицијата.

Увид на местото на несреќата извршиле екипа од СВР Куманово и јавен обвинител, по чија наредба телото на починатиот било дадено на обдукција, возачот на патничкото возилот бил лишен од слобода, а возилото и мотоциклот биле предадени на вонреден технички преглед.

Би можело да ве интересира

Во целосен прекин сообраќајот на регионалниот пат кај мотел „Велес“ до Велес

Четворица повредени во сообраќајка во Кавадарци

Сообраќајка на експресниот пат Штип, сообраќајот се пренасочува по магистрален пат Штип – Радовиш

Две жртви и еден тешко повреден во сообраќајка на влезот во Битола

ВИДЕО: Двајца загинати во тешка сообраќајна несреќа на патот Штип-Кочани

Одложено повторното судење за Теодора Ристовска, која го загуби животот во сообраќајна несреќа