136 Роми пројавиле интерес да се образуваат во областа на медицината. Толку се јавиле на Конкурсот за медицински стипендии за Роми за учебната 2012/2013 година, објавен од Фондацијата отворено општество Македонија.
Ова е дел од Програмата за јавно здравство на Фондацијата отворено општество Македонија, која во континуитет се реализира три години.
Целта на програмата е преку обезбедување на поддршка за медицинско образование, менторство и обука за здравствено застапување и комуникациски вештини, да се овозможи зголемување на бројот на Роми со завршено медицинско образование и нивно активно вклучување во креирањето и имплементирањето на здравствените политики, што воедно ќе придонесе кон унапредување на пристапот до здравствените услуги за Ромите.
Финансиските средства за оваа програма се обезбедени од Ромскиот образовен фонд и Програмата за здравјето на Ромите, Фондација отворено општество, Будимпешта. Во Македонија, програмата ја имплементира Фондацијата отворено општество Македонија.