Премиерот Бенјамин Нетанјаху денеска изјави дека Израел нуди награда од 5 милиони долари на секој што ќе ослободи заложник во Газа.
„Им порачувам на оние Палестинци кои сакаат да излезат од оваа ситуација: секој што ќе ни предаде заложник, ќе обезбедиме безбеден излез за него и неговото семејство. Исто така, ќе понудиме награда од 5 милиони долари за секој киднапиран. Изборот е во ваши раце, но резултатот ќе биде ист“, рече тој во видео-обраќањето што го објави неговата канцеларија.