„Расипничката политика на СДС ја турка македонската економија кон сигурен колапс.
СДС ја задолжи државата за 360 милиони евра, а од државните резерви без реален основ и посебно објаснување испумпа 180 милиони евра, тоа се над половина милијарди евра или неверојатни 540 милиони евра.
СДС ја задолжува државата, а притоа нема најава за започнување на ниту една капитална инвестиција. Владата на Заев дополнително на ова расипничко делување и на штета на граѓаните ги укинува и блокира сите проекти започнати од ВМРО-ДПМНЕ.
СДС потроши над половина милијарда евра, пари кои што утре ќе ги враќаме ние и нашите деца.
Заев и СДС ја задолжуваат државата и граѓаните за непродуктивни трошоци.
Доколку владата продолжи во оваа темпо за една година ќе ја задолжи државата за повеќе од 1 ипол милијарда евра.
Недомаќинското и алчно работење на владата на СДС и Заев мора да се запре. Граѓаните и идните генерации не се должни да го плаќаат луксузниот живот на врхушката на власта.
Граѓаните можат да стават крај на ваквиот расипнички однос на СДС.
СДС ќе одговора пред идните генерации за уништувањето на нивната иднина“, се вели во соопштението на ВМРО-ДПМНЕ.