Македонија во услови на глобална економска криза изминатите месеци успеа да постигне значителни економски резултати, доколку се имаат предвид економските параметри кои ги постигнуваат земјите од нашето соседство и земјите од ЕУ, кои се нашите најголеми економски партнери. Македонија споредено со нив забележува видливи економсми резултати.
Тоа го наведува ВМРО-ДПМНЕ во реакција на прес-конференцијата на потпретседателот на СДСМ Ванчо Узунов.
Според ВМРО-ДПМНЕ, само во првиот квартал годинава економијата бележи раст на БДП за 2,9 проценти, што е четврти најдобар резултат во Европа. Тоа е факт кој има огромно значење и неможе да се одрече, наведува ВМРО-ДПМНЕ. Посочува и дека прв пат по две децении невработеноста се намали на 29,9 проценти, а збирно за годините во кои ВМРО-ДПМНЕ ја носи одговорноста за државата, бројот на нови работни места е зголемен за 98.553.
– Исто така, во првите четири месеци од оваа година имаме инвестиции од 73,3 милиони евра што е значително повеќе мерено со истиот период од минатата година. Дополнително, се почесто големи светски фирми пројавуваат интерес за инвестирање во Македонија. Македонија во првите четири месеци од оваа година забележува и видлив пораст на извозот, укажува ВМРО-ДПМНЕ.
Оценува дека тие резултати се плод на издржаната и разумна економска политика што ја води Владата, што е нотирано во многубројни извештаи на ММФ, СБ и други меѓународни институции.
– Очигледно Ванчо узунов ја има добиено партиската наредба да говори и да критикува за се по секоја цена. Тоа впрочем го прават постојано. СДСМ покажуваат огромна малодушност и неможат ниту еден позитивен економски резултат на РМ да го признаат, се вели во реакцијата.