Binance одговори на неодамнешни медиумски извештаи во кои се тврди дека компанијата има слабости во усогласеноста со санкции и во регулаторните процедури, нагласувајќи дека овие тврдења се неточни и не ја одразуваат актуелната состојба во компанијата.
Во YouTube видео објавено од компанијата, Ричард Тенг, ко-извршен директор на Binance и поранешен финансиски регулатор со повеќе од две децении искуство, истакна дека компанијата денес функционира врз значително посилна основа за усогласеност. Според Тенг, Binance во последниве години „темелно ја обнови“ својата рамка за усогласеност, инвестираше стотици милиони долари и воспостави глобални тимови посветени на санкции, истраги за финансиски криминал и разузнавачка/аналитичка работа.
Тенг нагласи дека ниту еден вработен никогаш не бил отпуштен поради тоа што пријавил загриженост поврзана со усогласеноста. Во случаите на кои се повикуваат медиумите, тој посочи дека заминувањата биле поврзани со прекршувања на внатрешни политики, а не со суштината на истражните наоди. Тој додаде дека внатрешната култура во компанијата обезбедува ризиците да се пријавуваат, да се ескалираат и да се решаваат според јасно дефинирани процедури.
Во врска со наводните трансфери поврзани со ирански субјекти, раководството на компанијата соопшти дека нивната внатрешна проверка не пронашла докази дека корисници во тој период вршеле трансакции со лица или паричници што биле под санкции. Исто така беше наведено дека одредени паричници биле означени како санкционирани дури откако релевантните трансакции веќе завршиле, а префрлања преку повеќе посреднички паричници се вообичаени во сложени блокчејн екосистеми со повеќе слоеви.
Ноа Перлман, Главен директор за усогласеност во компанијата, дополнително истакна дека Binance активно соработува со регулатори и со надлежните органи за спроведување на законотширум светот. Според споделените податоци, само во 2025 година Binance одговорила на повеќе од 71.000 барања од надлежните органи за спроведување на законоти помогнала во заплена на над 130 милиони долари незаконски средства. Компанијата исто така соопшти дека изложеноста на ризик поврзан со санкции е намалена за приближно 97% во период од 18 месеци.
Раководството порача дека Binance ќе продолжи да ги зајакнува своите системи за контрола и транспарентно да соработува со релевантните институции, отфрлајќи ги тврдењата за рамнодушност или несоработка како неосновани.
Целосната изјава во YouTube видеото може да се погледне на линкот.