Државната дума, Долниот дом на рускиот парламент, денеска го ратификува протоколот за приклучување на Русија во Светската трговска органзаиција (СТО), по 18 години преговори, и покрај силното противење на опозициските партии.
Од вкупно 450 пратеници на Думата, за ратификацијата гласаа 238, покрај 208 против, тројца воздржани и еден отсутен, пренесоа светските агенции.
Протоколот за приклучување ќе стапи во сила за 30 дена.
Се очекува протоколот да го изгласа и Горниот дом на парламентот, Советот на федерацијата, по што треба да го потпише и претседателот Владимир Путин.
Противниците на приклучувањето на Русија во СТО наведуваат дека овој потег земјата ќе ја преплави со евтин увоз, убивајќи го остатокот од наследената советска индустрија и зголемувајќи ја невработеноста.