Претседателот на Русија Владимир Путин го потпиша протоколот за приклучување кон Светската трговска организација и му стави крај на процесот долг 18 години.
Протоколот кој ќе стапи на сила за 30 дена, долниот дом на рускиот парламент го ратификуваше на 10 јули, а горниот дом на 18 јули.
Русија досега беше најголемата економија која не беше член на глобалната трговска заедница.
Заговорниците за приклучување кон СТО сметаат дека тоа ќе и помогне на Русија да ги поттикне странските инвестиции.
Илјадници руски бизнисмени пак стравуваат дека ниските увозни царини и ограничените субвенции што е услов за членство во СТО ќе ја загрозат домашната економија.
Русија ќе стане 156 членка на СТО, 18 години откако ги почна преговорите за приклучување.