Стапката на невработеност во 17-члената еврозона порасна во ноември на рекордни 11,8 отсто, покажуваат денеска објавените податоци на европската агенција за статистика на Евростат.
Тоа е пораст oд октомвриските 11,7 отсто, а бројот на невработените во 17-члената еврозона во која живеат околу 330 милиони луѓе, сега изнесува 19 милиони – што е за два млиони повеќе во однос на истиот месец во 2011 година, се наведува во извештајот на Евростат.
Бројот на невработени во 27-члената Европска унија, по прв пат од избивањето на финансиската криза надмина 26 милиони.
Соочена со пукање на секторот на недвижности од 2008 година и ослабените домашни банки, Шпанија забележа најголема стапка на невработеност од сите европски земји од 26,6 отсто, што е дури повеќе од Грција.
Според податоците на Евростат, ноемвриската стапка на невработеност во САД била 7,8 отсто, а во Јапонија 4,1 отсто.