Рекорден нето профит на „Мајкрософт“ од преку 20 милијарди долари

Од:

За првпат досега, Мајкрософт оствари квартален профит од над 20 милијарди долари, при што приходите на компанијата се зголемија за 22 отсто, надминувајќи ги очекувањата на аналитичарите. Нето добивката на Мајкрософт во кварталот јули-септември, односно во првиот квартал од фискалната година на компанијата, изнесува 20,5 милијарди долари, што е за 4,0 милијарди долари над рекордната добивка забележана во претходниот период, пишува Маркетвоч.

Прилагодената заработка по акција беше 2,27 долари, додека аналитичарите анкетирани од компанијата за собирање и обработка на финансиски податоци, Refinitiv, најавуваа дека ќе биде 2,07 долари по акција. Мајкрософт во извештајот забележа дека околу 3,3 милијарди долари од неговата добивка е резултат на еднократниот прилив врз основа на олеснување на данокот на доход добиен од трансферот на нематеријални производи, но додаде дека заработката без таа придобивка ќе биде 2,27 долари по акција.

Вкупниот приход на компанијата порасна за речиси 22 отсто, од минатогодишните 37,15 милијарди долари на 45,32 милијарди долари во тој квартал, аналитичарите предвидуваа дека ќе изнесуваат 43,97 милијарди долари. Ова е највисоката стапка на раст на приходите од 2018 година.

Би можело да ве интересира

Мајкрософт ќе укине 10.000 работни места како дел од подготовките за рецесија

Ана Ололовска

ЕК одобри Мајкрософт да ја купи „Нуанс“ за 16 милијарди долари

Ана Ололовска

Мајкрософт ги затвора сите продавници и воведува само онлајн продажба

Ана Ололовска

Мајкрософт за пет минути изгуби 17 милијарди долари

Ана Ололовска

Мајкрософт ја продолжува соработката со Хуавеј

Ана Ололовска

Познати и успешни жени од ИТ светот со охрабрувања за младите девојчиња да влезат во СТЕМ професиите

Ана Ололовска